WEDUS KACANG NYUNDANG GUNUNG

0
76

Wong pinter anyar2an, weton saudi utowo pakistan, jenggote dowo, kathoe cingkrang, ora tau nyantri ning kiai2, ora tau ngaji ulumul qur’an, ulumul hadits, ilmu fiqih, ushul fiqih, falsafatut tarikh lan liya2ne, podo kesusu ngafirake wong2 NU kang nglakoni ziarah kubur, tahlilan, maulidan lan tradisi2 masyarakat Islam Jawa kang wis diracik deneng ulama kang pepek ilmune, wong2 iku podo karo wedus kacang nyundang gunung kang duwur.
Lamun ono wong ora alim nganti wani nyacat ulama, nyacat Imam Ghozali, nyacat Imam Nawawi, nyacat Imam Al-Haddad lan imam-imam kang ilmune ngaruhi corak Islam Nusantara, iku wong ugo podo karo wedus kacang nyundang gunung kang duwur.
Ono syair kang dawuh :
يا ناطح الجبل العالي لتكلمه
 اشفق على الرأس لا تشفق على الجبل
“He wedus kacang kang nyundang gunung duwur, supoyo kowe biso mecahake gunung iku. Eman2no marang endase, ojo eman2 marang gununge”.
Mulo wong NU kudu tetep istikomah anggone nderek poro ulama, ojo kenang pengaruh soko HTI, JAT, MTA, JI, ISIS lan sebangsane. Iku kabeh golongan Islam Radikal kang ilmune nyesep soko golongan Khowarij kang tegel ngafirake poro sohabate kanjeng Nabi SAW.
Wong NU kudu waspodo marang idelogi2 anyar kang orang jelas jluntrunge. Ora usah kenang pengaruh soko issue2 kang lagi diglindingke kanggo mecah belah ummat Islam, koyo dene werto PKI arep gumregah, HTI arep ngowahi sistem negoro kito Indonesia. Iku kabeh gaweane wong2 kang ora seneng marang kekompakane warga NU, kang nguatake marang wutuhe NKRI. Monggo dipenggalih, mugi2 aweh munpangat kanggo kito sedoyo. Amiin.

Deneng : MD Royyan.

TINGGALKAN KOMENTAR

Please enter your comment!
Please enter your name here